በአዲስ አበባ ዩኒቨርሲቲ: ከግማሽ ክፍለ ዘመን በላይ ያስቆጠረ ታቦተ ቅዱስ ሚካኤል ተገኘ

በአዲስ አበባ ዩኒቨርሲቲ: ከግማሽ ክፍለ ዘመን በላይ ያስቆጠረ ታቦተ ቅዱስ ሚካኤል
ተገኘ
የመንበረ ልዑል ቅዱስ ማርቆስ ቤተ ክርስቲያን ከዩኒቨርሲቲው በአደራ ተረክቦታል
በዐፄ ኃይለ ሥላሴ ጥያቄ እንደተቀረፀና ከ68 ዓመት በላይ እንዳስቆጠረ መረጃ አለ
ነገሥታት ታቦት በቤተ መንግሥታቸው ሥዕል ቤት የማስቀመጥ ልምድ ነበራቸው
ለብዙኃን መገናኛና ለሕዝብ ይፋ ለማድረግ፣ የፊታችን ጥር 8 ቀን፣ ቀጠሮ ይዟል
* * *
“ቅ/ሚካኤል ሚዛንና ሰይፍ ይዞ በዩኒቨርሲቲው ፩ኛ በር በኩል እየወሰደ ያሳየኛል፡፡”
/ታቦቱ መኖሩን የጠቆሙት ባለራእዩ ባሕታዊ በለጠ ዘነበ/
* * *
(አዲስ አድማስ፤ ዓለማየሁ አንበሴ፤ ቅጽ ፲፮ ቁጥር ፭፻፹፤ ቅዳሜ፣ ኅዳር ፲፯ ቀን ፳፻፱
ዓ.ም.)

አንብር መስቀልየ ዲበ መስቀል (ክፍል ፪)፡፡

                                                             በዲ/ን ዓለማየሁ ሀብቴ

መስከረም ፳፩ ቀን ፳፻፱ ዓ/ም

ግማደ መስቀሉ ለብዙ ዘመናት በእስክድርያ በክብር ተቀምጦ እያለ የግብጽ እስላሞች ቁጥራቸው እየበዛ በመምጣቱ የኃይል የበላይት አግኝተው የእስክንድርያ ክርስቲያኖችን መከራ አብዝተውባቸው ማሰቃየት ጀመሩ፡፡ ይባስ ብለውም ሁለቱን ንዑዳን ክቡራን ጳጳሳት አባ ሚካኤልና አባ ገብርኤልን አስረው ያሰቃዩአቸው ጀመሩ፡፡ የእስክንድርያ ክርስቲያኖች በዘመኑ ኃያል ለነበረው የኢትዮጵያ ንጉሥ አፄ ዳዊት፡- ታላቁ ንጉሥ ሆይ እግዚአብሔር ኃይል እንዳበዘልህ እናውቃለን፡፡ በእኛ በእስክንድርያ በለን ክርስቲያኖች ላይ በዚህ በግብጽ ያሉ እስላሞች ስቃይ አጽንተውብናል፡፡ ኃይልህን አንስተህ እስላሞቹን አስታግስልን፡፡ ጳጳሳቱ አባ ሚካኤልና አባ ገብርኤልም አስረውብናል፡፡ እነርሱንም አስፈታልን ብለው መልእክት ላኩ፡፡

አንብር መስቀልየ ዲበ መስቀል፡፡

በዲ/ን ዓለማየሁ ሀብቴ

መስከረም ፳፩ ቀን ፳፻፱ ዓ/ም

መስቀል በዘመነ ብሉይ የወንጀለኛ መቅጫ መሣርያ የመረገም ምልክት ነበር፡፡ በጥንት ፋርሶችና ሮማውያን ዘንድ ከባድ ጥፋት የፈጸሙ ወንጀለኞች በመስቀል ላይ ተሰቅለው ይቀጡ ነበር፡፡  

ጌታችን መድኃኒታችን ኢየሱስ ክርስቶስ በመስቀል ላይ ተሰቅሎ በሞቱ ሞትን ሽሮ፣ ኃጢአተ አዳምን ደምስሶ፣ እዳ በደሉን ክሶ በኃይሉ ሙስና መቃብርን አጥፍቶ ከተነሳ በኋላ ወንጀለኞች ይቀጡበት የነበረው መስቀል ዲያብሎስ የወደቀበት የድል አርማ፣ የክርስቲያኖች ምርኩዝ፣ የነፃነት ምልክት ሆኗል፡፡ ወወሀብኮሙ ትዕምርተ ለእለ ይፈርሁከ ከመ ያምስጡ እም ገጸ ቀስት ወይድኅኑ ፍቁራኒከ (ከቀስት ፊት ያመልጡ ዘንድ፥ ለሚፈሩህ ምልክትን ሰጠሃቸው። ወዳጆችህ እንዲድኑ መዝ.፶፱÷፬። ሐዋርያው ቅዱስ ጳውሎስም በገላ. ፫፥፲፫ ላይ በእንጨት የሚሰቀል ሁሉ የተረገመ ነው ተብሎ ተጽፎአልና ክርስቶስ ስለ እኛ እርግማን ሆኖ ከሕግ እርግማን ዋጀን ብሎ አስተምሮናል፡፡

መስቀለ ክርስቶስ እንደ እንቁ እያበራ፤ ድው በመፈወስ ሙት በመስነሳት በሚሠራቸው ተአምራት እየተሳቡ ብዙ አሕዛብ ክርስቲያን መሆን ጀመሩ፡፡ ከአይሁድም እንዲሁ አንዳንዶች ክርስትናን ተቀበሉ፡፡ ይህ የብዙዎች ወደ ክርስትናው መቀላቀል ክርስቶስን በምቀኝነት ተነሳስተው በመስቀል ላይ ሰቅለው የገደሉትን አይሁድን አበሳጫቸው፡፡ እናንተ በእንጨት ላይ ሰቅላችሁ የገደላችሁትን ኢየሱስን የአባቶቻችን አምላክ አስነሣው እንዲል የሐዋ.፭፥፴::

ዝንቱ መስቀል ለአዳም ዘአግብኦ ውስተ ገነት፡፡

                                                                                                                         በዲ/ን ዓለማየሁ ሀብቴ

                                                                                                                    መስከረም ፲፯ ቀን ፳፻፱ ዓ/ም

የሰው ልጅ ሕገ እግዚአብሔርን በመጣስ ላመጣው የነፍስ በሽታ መድኃኒት ያገኘው ከክርስቶስ መስቀል ነው፡፡ በአዳም በደል ምክንያት በውርስ ይተላለፍ የነበረዉ ጥንተ አብሶ ለተባለዉ ደዌ ነፍስ በመስቀል በፈሰሰዉ ደመ ክርስቶስ ዓለም መድኃኒት አግኝቷል፡፡ ጌታችን መድኃኒታችን ኢየሱስ ክርስቶስ በእለተ አርብ (እለተ መድኃኒት) በመስቀል ላይ ባፈሰሰዉ ደመ ማህም ፌያታዊ ዘየማን ከአዳም ቀድሞ ገነት ገብቷል፡፡ አንተ ትቀድሞ ለአዳም በዊአ ዉስተ ገነት እዳለ ጌታ፡፡ ኢየሱስንም። ጌታ ሆይ፥ በመንግሥትህ በመጣህ ጊዜ አስበኝ አለው። ኢየሱስም። እውነት እልሃለሁ፥ ዛሬ ከእኔ ጋር በገነት ትሆናለህ አለው።ሉቃ.፳፫÷ ፵፪-፵፫፡፡

አዲሱን ዓመት አስመልክቶ ከቅዱስ ፓትርያርኩ የተሰጠ መግለጫ

ጳጕሜን ፬ ቀን ፳፻፰ ዓ.ም

ብፁዕ ወቅዱስ አቡነ ማትያስ

ቃለ በረከት ዘእምኀበ ብፁዕ ወቅዱስ አቡነ ማትያስ ቀዳማዊ ፓትርያርክ ርዕሰ ሊቃነ ጳጳሳት ዘኢትዮጵያ ሊቀ ጳጳስ ዘአክሱም ወዕጨጌ ዘመንበረ ተክለ ሃይማኖት ዘተናገረ በበዓለ ርእሰ ዐውደ ዓመት ዘዕሥራ ምእት ወተስዓቱ ዓመተ ምሕረት፡፡

በስመ አብ ወወልድ ወመንፈስ ቅዱስ አሐዱ አምላክ አሜን ፡፡

ወርኃ ጳጉሜ

እንኳን ለወርኃ ጳጉሜ በሰላም አደረሰን 

የዘመናት ጌታ ቸሩ አምላካችን ቀሪውን ተረፈ ዘመን በሰላም አስፈጽሞ ከዘመነ ዮሐንስ ወደ ዘመነ ማቴዎስ ያሸጋግረን ፡፡ አሜን ፡፡

ውድ የማኅቶት ዘተዋሕዶ እድምተኞች እንደምን ከረማችሁ ?

ከዚህ በመቀጠል ውሉደ ተዋሕዶ ለፌስ ቡክ ገጼ ላይጳጉሜ ምን ማለት ነው ? ለምንስ አምስትና ስድስት ቀን ሆነች ? ብለው ለጠየቁኝ ጥያቄ አጠር ያለች መልስ እሰጣለሁ ተከታተሉኝ ፡፡ መልካም ንባብ ፡፡

ጳጉሜ ማለት ተረፍ ማለት ነው ፡፡ ከአስራ ሁለቱ የዓመቱ ወራት በዘመን ውስጥ የተረፈች ፣ የቀረች  ተረፈ ዘመን ናት ፡፡ በኢትዮጵያ ዘመን አቆጣጠር አንድ ዓመት 365 ቀናት ፣ 6 ሰዓታትና 15 ኬክሮስ ነው ፡፡ ይህም ማለት አንድ ዓመት እያንዳንዳቸው ሣላሰ ሣላሳ ቀናት ያላቸው አስራ ሁለት ወራትና (ከመስከረም እስከ ነሓሴ) አምስት ቀናት ከስድስት ሰዓታት ያሉኣት አስራ ሦስተኛ ወር ወርኃ ጳጉሜ አሉት ፡፡ በዚህ መሠረት ጳጉሜ ወትሮ አምስት ቀን ከስድት ሰዓት ስትሆን በአራት ዓመት አንዴ (በዘመነ ዮሓንስ) ሽርፍራፊዎቹ ሰዓታት ተደማምረው አንድ ቀን ይሞላሉ ፡፡ በዚህ ጊዜ ጳጉሜ ስድስት ቀን ትሆናለች ፡፡

ለፍጡር ሁሉ ልኬትና ስፍር አለው ፡፡ እንደዚሁ ሁሉ ለዘመንም ልኬት ፣ ስፍርና ቁጥር  አለው ፡፡ ዘመን በቁጥር ይሰላል ፤ በሰዓታት ፣ በእለታትና በአዝማናት ተሰልቶ ይቀመራል ፡፡ በዚህ በዘመን ስሌት ቀመር ወርኃ ጳጉሜ አመስት ቀናት ስትሆን በዘመነ ዮሓንስ ስድስት ቀን ትሆናለች ፡፡ የኢትዮጵያ ዘመን አቆጣጠር የኢትዮጵያ ኦርቶዶክስ ተዋሕዶ ቤተ ክርስቲያን ብርቅየ ሀብት ነው ፡፡

ከዚህ በተረፈ ሰፊውን ትንታኔ ለስነ ፈለካት የቤተ ክርስቲያን ሙሑራን ትቻለሁ ፡፡

ውድ ጠያቂዎቼ፡ ለጠቅላላ ግንዘቤ ይህችን ያህል ካልኩአችሁ አበው ሊቃውንት አስፍተው ፣ አራቀው ፣ አመስጥረውና ተርጉመው እንዲያስረዱችሁ ወደ ቤተ ክርስቲያን ጎራ በሉ የማኅቶት መልእክት ነው ፡፡

ሰላመ እግዚአብሔር ከሁላችን ጋር ይሁን ፡፡

እንደ ሶስት ሰው ሆኜ ነው የምኖረዉ፡፡

"እንደኔ እንደኔ የዚህ ሀገር ችግር ከፖለቲከኞቹ በላይ ሃይማኖቶቹ መሪዎች ናቸው ብዬ አስባለሁ"
(መጋቢ ሀዲስ እሸቱ)

እዚህ ሀገር ላይ ስኖር እንደ ሶስት ሰው ሆኜ ነው የምኖረው፡፡

የቅዱስ ሲኖዶስ መግለጫ

በስመ አብ ወወልድ ወመንፈሰ ቅዱስ አሐዱ አምላክ አሜን::

ሰኔ ፩ ቀን ፳፻፰ ዓ.ም

የኢትዮጵያ ኦርቶዶክስ ተዋሕዶ ቤተ ክርስቲያን ቅዱስ ሲኖዶስ መደበኛ ስብሰባ በዓመት ሁለት ጊዜያት እንዲሆን በፍትሕ መንፈሳዊ አንቀጽ ፭ ቍጥር ፻፷፬ በተደነገገው መሠረት ምልዓተ ጉባኤው የዘንድሮዉን መደበኛ የርክበ ካህናት ስብሰባ የጉባኤው መክፈቻ ሥርዓተ ጸሎት ከተፈጸመበት ከበዓሉ ዋዜማ ከግንቦት ፲፮ ቀን ፳፻፰ ዓ.ም ጀምሮ እስከ ሰኔ ፩ ቀን ፳፻፰ ዓ.ም ድረ ለዐሥራ ስድስት ቀናት ያህል ባደረገው ጉባኤ ጠቀሜታ ባላቸው የአጀንዳ ነጥቦች ተወያይቶ ውሳኔዎችን አሳልፏል፡፡

፳፬ ሰዓት የቴሌቪዥን ስርጭት

የቤተ ክርስቲያናችን የ፳፬ ሰዓት የቴሌቪዥን አገልግሎት ከቀናት በኋላ የሙከራ ስርጭት ይጀምራል

 

በጥቅምቱ የቅዱስ ሲኖዶስ ምልዓተ ጉባኤ በተወሰነው መሠረት፤ ቤተ ክርስቲያናችን፣ በሀገር ውስጥ እና በዓለም ዙሪያ ለሚገኙ ምእመናን ድምፅዋን የምታሰማበት እና መረጃ የምትሰጥበት የ24 ሰዓት የቴሌቪዥን አገልግሎት ከኹለት ሳምንት ባልበለጠ ጊዜ ውስጥ የሙከራ ስርጭቱን እንደሚጀመር ተገለጸ፡፡

የስርጭት አገልግሎቱን ለመስጠት ለወድድር ከቀረቡት ሦስት ኩባንያዎች መካከል በጠቅላይ ጽ/ቤቱ የብዙኃን መገናኛ ድርጅት ቦርድ ከተመረጠውና በእስራኤል ከሚገኘው የኮሚዩኒኬሽን ኩባንያ ጋር የሥርጭት ስምምነት ውሉ ፓትርያርኩ ኢየሩሳሌምን እየጎበኙ በነበሩበት በሳምንቱ መጀመሪያ ላይ መፈጸሙም ታውቋል፡፡