ዝንቱ መስቀል ለአዳም ዘአግብኦ ውስተ ገነት፡፡

                                                                                                                         በዲ/ን ዓለማየሁ ሀብቴ

                                                                                                                    መስከረም ፲፯ ቀን ፳፻፱ ዓ/ም

የሰው ልጅ ሕገ እግዚአብሔርን በመጣስ ላመጣው የነፍስ በሽታ መድኃኒት ያገኘው ከክርስቶስ መስቀል ነው፡፡ በአዳም በደል ምክንያት በውርስ ይተላለፍ የነበረዉ ጥንተ አብሶ ለተባለዉ ደዌ ነፍስ በመስቀል በፈሰሰዉ ደመ ክርስቶስ ዓለም መድኃኒት አግኝቷል፡፡ ጌታችን መድኃኒታችን ኢየሱስ ክርስቶስ በእለተ አርብ (እለተ መድኃኒት) በመስቀል ላይ ባፈሰሰዉ ደመ ማህም ፌያታዊ ዘየማን ከአዳም ቀድሞ ገነት ገብቷል፡፡ አንተ ትቀድሞ ለአዳም በዊአ ዉስተ ገነት እዳለ ጌታ፡፡ ኢየሱስንም። ጌታ ሆይ፥ በመንግሥትህ በመጣህ ጊዜ አስበኝ አለው። ኢየሱስም። እውነት እልሃለሁ፥ ዛሬ ከእኔ ጋር በገነት ትሆናለህ አለው።ሉቃ.፳፫÷ ፵፪-፵፫፡፡