እንኳን ከዘመነ ሉቃስ ወደ ዘመነ ዮሓንስ በሰላም በጤና አሸጋገራችሁ ፡፡

ትናንት ከእኛ ጋር የነበሩ ዛሬ አብረውን የሌሉ ዓረፍተ ዘመን የገታቸው አብረውን ከዘመን ዘመን ያልተሸጋገሩ  እንኳን አደረሳችሁ የማንላቸው ፣ የማይሉን ብዙዎች ናቸው ፡፡ ይህ ሁሉ የእግዚአብሔር ፈቃድ ነው ፡፡ የዓለምን ዕድሜ የወሰነ የእኛን ዘመን የቀመረ ፣ ያለፉትን በዓረፍተ ዘመናት የገታቸው ፣ እኛን በሕይወተ ሥጋ ጠብቆ የንሥሓ ገዜ የጨመረልን የዘመናት ጌታ እርሱ እግዚአብሔር ነው ፡፡

ወርኃ ጳጉሜ

እንኳን ለወርኃ ጳጉሜ በሰላም አደረሰን

የዘመናት ጌታ ቸሩ አምላካችን ቀሪውን ተረፈ ዘመን በሰላም አስፈጽሞ ከዘመነ ሉቃስ ወደ ዘመነ ዮሓንስ ያሸጋግረን ፡፡ አሜን ፡፡

ውድ የማኅቶት ዘተዋሕዶ እድምተኞች እንደምን ከረማችሁ ?

ከዚህ በመቀጠል ውሉደ ተዋሕዶ ለፌስ ቡክ ገጼ ላይ ጳጉሜ ምን ማለት ነው ? ለምንስ አምስትና ስድስት ቀን ሆነች ? ብለው ለጠየቁኝ ጥያቄ አጠር ያለች መልስ እሰጣለሁ ተከታተሉኝ ፡፡ መልካም ንባብ ፡፡