ተቀጸል ጽጌ፣ በሰ/ት/ቤት መዘምራን |ካቴድራል ቅ/ሥላሴ ቤ/ክ

 

ወናሁ ወፅአ ዘራዒ ከመ፣ እነሆ ዘሪ ሊዘራ ወጣ

 

ንግበር ሠለስተ ማኅደረ፤ ሶስት ቤት እንሥራ

 

እግዚአብሔር አብ ከሰማይ አየ እንዳንቺ ያለ ግን አላገኘም

 

ያለፈው ዘመን ይበቃል፡፡ 1ጴጥ. 4÷3

በዘመኑ ህልፈት በመንግሥቱ ሽረት የሌለበት አምጻኤ ዘመናት ልዑለ ባህርይ እግዚአብሔር እንኳን ከዘመነ ዮሓንስ ወደ ዘመነ ማቴዎስ በሰላም በጤና አሸጋገረን፡፡ 

ያለፈው ዘመን 2012 ዓ/ም ለሰው ልጆች በጎ ዘመን አልነበረም፡፡ የኮሮና ቫይረስ ዓለምን ያስጫነቀበት፣ የሰው ልጆችን ህልውና የተፈታተነበት፣ ሰውም አቅሙን (ልኩን) ያወቀበት ዘመን ነበር፡፡

ዛሬ አዲስ ዓመት ለመቀበል ዋዜማዋ ላይ ላለን ኢትዮጵያውያን ደግሞ ችግሩ በጆሮ ላይ ደግፍ ሆኖብን ነበር፡፡ ለሀገር ፍቅር፣ ለወገን ክብር የሌላቸው ክብራቸው በነውራቸው የሆነ ክፉ የክፉ ጥፋት ልጆች እነ ሆድ አምላኩ ከመቼውም የከፉበት፣ ንፁሓን የተገፉበት፣ ክርስቲያነኖች ከእንስሳ ባነሰ ክብር የተገደሉበት፣ የታረዱበት ዘመን ነበር፡፡ 

በአጠቃላይ 2012 ዓ/ም ሀገርና ቅድስት ቤተክርስቲያን የመከራ ቁና የተሸከሙበት የክፉዎች ዘመን ነበር፡፡ ቤተክርስቲያን 2012 ዓ/ምን ዘመነ ሰማዕታት ብላ ልትሰይመው ይገባል፡፡ እርግጥ ነው መከራ ለክርስቲያን ጌጡ ነው፡፡ እኛ ክርስቲያኖች ስንመታ እንደ ሚስማር የምንጠብቅ ስለንፅህት ሃይማኖታችን መከራ ስንቀበል ብንደሰት እንጂ በመከራ እንደማንሳቀቅ ጠላት ይወቅ ይረዳ፡፡

ዛሬ ያ ዘመን አርጅቷል፡፡ አዲስ ዘመን ልንቀበል ዋዜማው ላይ ነን፡፡ ያ ዘመን አልፎ አዲስ ዘመን 2013 ዓ/ም መጥቷል፡፡ 

ስለዚህ የአህዛብን ፈቃድ ያደረግንበት፣ የሴይጣንን ሥራ የሠራንበት ያለፈው ዘመን ይበቃል፡፡ 

ክፉዎች፡-ሀገር ያመሳችሁበት፣ ንብረት ያወደማችሁበት፣ ቤተክርስቲያን ያቃጠላችሁበት፣ ሰውን ያስለቀሳችሁበት፣ ሰውን ያፈናቀላችሁበት፣የሰውን ደም ያፈሰሳችሁበት፣ የገደላችሁበት ዘመን ይበቃልና በአዲስ አስተሳሰብ በአዲስ አእምሮ አዲስ ሰው ሆናችሁ አዲሱን ዘመን ተቀበሉ፡፡ 

ክርስቲያኖች፡-ቤተክርስቲያናችሁ የተቃጠላችበት፣ የተሰዳዳችሁበት፣ የተገረፋችሁበት፣ ያለቀሳችሁበት፣ የተገደላችሁበት ያ የመከራ ዘመን ያ ያለፈው ዘመን ይበቃልና እግዚአብሔርን ተስፋ አድርጋችሁ በአዲስ መንፈስ፣ በአዲስ አእምሮ አዲሱን ዘመን ዘመነ ማቴዎስን ተቀበሉ፡፡

 ልዑል እግዚአብሔር አዲሱን ዘመን ፍቅር የነገሰበት ዘመነ ሰላም፣ ዘመነ ፍስሃ ያድርግልን ፡፡ አሜን                  

የምኅላ ጸሎት

ዘበእንቲአሃ ለቤተክርስቲያን ተጸፋእከ በውስተ ዐውድ ከመ ትቀድሳ በደምከ ክቡር ዘበእንቲአሃ ዝግሐታተ መዋቅሕት ፆረ ወተዐገሰ ምራቀ ርኩሰ እንዘ አልቦ ዘአበሰ አምላክ ዲበ ዕፀ መስቀል ተሰቅለ

እግዚአብሔር ለምን መቅሰፍት ያመጣል? (አባ ገብረኪዳን)

በልብ መታሰቡ በቃል መነገሩ ስሙ ይክበርና ቸሩ አምላካችን እግዚአብሔር ፍጥረቱን ለመጥቀም ስለ ሦስት ነገር መቅሰፍትን ያመጣል።

እኔ እንዳደረግሁ እግዚአብሔር እንዲሁ መለሰልኝ ።

(መሳ 1 )
 1 እንዲህም ሆነ፤ ኢያሱ ከሞተ በኋላ የእስራኤል ልጆች፦ ከነዓናውያንን ለመውጋት ማን በፊት ይወጣልናል? ብለው እግዚአብሔርን ጠየቁ።

 2 እግዚአብሔርም፦ ይሁዳ ይውጣ፤ እነሆ፥ ምድሪቱን በእጁ አሳልፌ ሰጥቻለሁ አለ።

 3 ይሁዳም ወንድሙን ስምዖንን፦ ከነዓናውያንን እንወጋ ዘንድ ከእኔ ጋር ወደ ዕጣዬ ውጣ፥ እኔም ደግሞ ከአንተ ጋር ወደ ዕጣህ እሄዳለሁ አለው። ስምዖንም ከእርሱ ጋር ሄደ።

4 ይሁዳም ወጣ፤ እግዚአብሔርም ከነዓናውያንንና ፌርዛውያንን በእጃቸው አሳልፎ ሰጣቸው፥ ከእነርሱም በቤዜቅ ውስጥ አሥር ሺህ ሰዎች ገደሉ።

 5 አዶኒቤዜቅንም በቤዜቅ አገኙትና ተዋጉት፤ ከነዓናውያንንና ፌርዛውያንንም መቱአቸው።

 6 አዶኒቤዜቅም ሸሸ፤ አሳድደውም ያዙት፥ የእጁንና የእግሩንም አውራ ጣት ቈረጡ።

 7 አዶኒቤዜቅም፦ የእጃቸውና የእግራቸው አውራ ጣት የተቈረጡ ሰባ ነገሥታት ከገበታዬ በታች ፍርፋሪ ይለቅሙ ነበር፤ እኔ እንዳደረግሁ እግዚአብሔር እንዲሁ መለሰልኝ አለ። ወደ ኢየሩሳሌምም አመጡት፥ በዚያም ሞተ።

በሰፈሩት ቁና መሰፈር አይቀር ይሉሃል ይህ ነዉ።

Time is precious

Time is precious and golden to man. Nothing is as worthy as time is for us. It is the most scarce resource that limited to our life period. It is not static. Rather, running too fast. Time is the greatest gift of the Almighty God to human being as an instrument of good deeds and acts. In time people win gold and loss gold depending on their usage of time. The golden medalist athlete is the one who use time properly.

ልቡና (ጾም)

ለብሉይ ሰውነታችን ሕዋሳትን ሁሉ እየቃኘ በበጎ ሥራ የሚያውቸው እንደ ንጉሥ የሚያዝ ልቡና አለው፡፡ ያለ ልቡና መሪነት ሕዋሳት ሁሉ ምንም ለሠሩ አይችሉም፡፡ ስለዚህ ልቡና የሌለው ሰው እብድ ዝንጉዕ ይባላል እንጂ ሕያው ሰው አይባልም፡፡

እንደዚሁም ለሐዲሱ ሰውነታችን ሥራዎቹን የሚያከናውንበት የሥራ መሪው ጾም ነው፡፡ ያለ ጾም መሪነት ምንም በጎ ሥራ ሊሠራ አይችልም፡፡ ይህንንም ወደ ሌላ ሳንሄድ በልተን ጠጥተን በጠገብን ጊዜ የሚሰማን ስሜትና በምንጾበት ወራት የሚሰማን ስሜት ብናመዛዝነው ልንረዳው እንችላለን፡፡

እኔስ ሰው አማረኝ

እስኪ ቀስቅሷቸው አበው ይናገሩ
የምንኩስና ግብር ምን ነበር ምሥጢሩ
የክርስትና ሕይወት ምን ነበር ተግባሩ
መቃብሩን ክፈቱና አበው ይመስክሩ፡፡

እመሰ ረሳዕኩኪ ኢየሩሳሌም ለትርስዓኒ የማንየ መዝ. ፻፴፮ ፥ ፭

በስመ አብ ወወልድ ወመንፈስ ቅዱስ ፩ዱ አምላክ አሜን

ኢየሩሳሌም ሆይ ብረሳሽ ቀኜ ትርሳኝ ፡፡

በዲያቆን ዓለማየሁ ሀበቴ

 (ክፍል ፩)

ኢየሩሳሌም  ማለት ሀገረ ሰላም  ማለት ሲሆን ፤ በቅዱስ መጽሐፍ ከነዓን ፣ ምድረ ርስት ፣ የተስፋ ምድር ፣ ማርና ወተት የሚፈስባት ሀገር ፣ የዳዊት ከተማ በመባል ትታወቃለች[1] ፡፡ ኢየሩሳሌም እግዚኣብሔር ለአብርሀምና ለዘሩ ርስት አድርጎ የሰጠው  የተስፋ ምድር ናት ፡፡ እግዚአብሔርም አብራምን አለው ፡- ከአገርህ ፣ ከዘመዶችህም ፣ ከአበትህም ቤት ፣ ተለይተህ እኔ ወደማሳይህ ምድር ውጣ ፡፡ ታላቅ ሕዝብም አደርግሃለሁ ፣ እባርክሃለሁ ፣ ስምህንም አከብረዋለሁ ፤ ለበረከትም ሁን ፤ የሚባርኩህንም እባርካለሁ ፣ የሚረግሙህንም እረግማለሁ ፣ የምድር ነገዶችም ሁሉ በአንተ ይባረካሉ ፡፡ አብራምም እግዚአብሔር እንደ ነገረው ሄደ ፡፡ ከካራን ወጥቶም ወደ ከነዓን ምድር ገባ ፡፡ እግዚአብሔርም ለአብራም ተገለጠለትና ይህችን ምድር ለዘርህ እሰጣለሁ አለው ፡፡ ዘፍ. ፲፪ ፥ ፩- ፯ ፡፡

ወርኃ ጽጌ

ጾመ ጽጌ ከመስከረም 26 እስከ ኅዳር 5 ያለው አንድ ወር ከዐሥር ቀን ወይም 40 ቀን ወርኃ ጽጌ፣ ዘመነ ጸጌ፣ ተብሎ ይጠራል፡፡ በነዚህም ቀናት በየቤተክርስቲያኑ የሚነበቡ ምንባባት፣ የሚዘመሩት መዝሙራት፣ የሚሰበከው ስብከት፣ የሚቆመው ማኅሌት በጠቅላላው የሚነገረው ስብሐት እግዚአብሔር ሁሉ ሰማይ በከዋክብት ምድር በጽጌያት አሸብርቀው የሚታዩ መሆናቸውን የሚገልጽ ነው፡፡

መልካም አዲስ ዓመት !

እንኳን ከዘመነ ማቴዎስ ወደ ዘመነ ማርቆስ በሰላም አሸጋገረን!

አዲስ ዓመት ሲመጣ መልካም ምኞትንና ብሩህ ተስፋን ሰንቆ ነው፡፡ በአዲስ ዓመት ዓመቱ የዕድገት፣ የብልፅግና፣ የሰላም ዘመን ይሁንልን የምንባባለው ከዚህ መልካም ምኞትና ብሩህ ተስፋ የመነጨ ነው፡፡

አዲስ ዓመትን ቤት እንዳፈራ ዶሮ፣ በግ፣ … አርዶ በዓሉን ማክበር ብቻ ሳይሆን ሰው ራሱ ከዘመኑ ጋር አብሮ በአስተሳሰብ መታደስ በሥራ መለወጥ ይገባዋል፡፡

የትንሣኤ በዓል ትርጕሙና አከባበሩ

በሊቀ ትጉሃን ኃይለ ጊዮርጊስ ዳኘ

ሚያዝያ ፲ ቀን ፳፻፱ ዓ.ም

እንኳን ለብርሃነ ትንሣኤው በሰላም አደረሰን!

«ትንሣኤ» የሚለው ቃል የግእዝ ቃል መገኛው ‹ተንሥአ = ተነሣ› የሚለው ግስ ሲኾን፣ ትርጕሙም መነሣት፣ አነሣሥ፣ አዲስ ሕይወትን ማግኘት ማለት ነው፡፡ ‹ትንሣኤ› በየመልኩ፣ በየዓይነቱ ሲተረጐም አምስት ክፍል አለው፤

የመጀመርያው ትንሣኤ ሕሊና ነው፤ ይህም ማለት ተዘክሮተ እግዚአብሔር (እግዚአብሔርን ማሰብ) ነው፡፡

ሁለተኛውም ትንሣኤ ልቡና ነው፤ የዚህም ምሥጢሩ ቃለ እግዘብሔርን መስማትና በንስሐ እየታደሱ በሕይወት መኖር ነው፡፡

ሦስተኛው ትንሣኤ ለጊዜው (በተአምራት) የሙታን በሥጋ መነሣት ነው፡፡ ነገር ግን በድጋሜ ሌላ ሞት ይከተለዋል፡፡

አራተኛው ትንሣኤ ክርስቶስ በሥልጣኑ ሞትን ድል አድርጎ መነሣቱን ያመላክታል፡፡ የርእሰ ትምህርታችን መነሻም ይህ ነው፡፡

አምስተኛውና የመጨረሻው የትንሣኤ ደረጃ የባሕርይ አምላክ የጌታችንና መድኃኒታችን ኢየሱስ ክርስቶስን ትንሣኤ መሠረት ያደረገ ትንሣኤ ዘጉባኤ ሲኾን፣ ይህም ከዓለም ኅልፈት በኋላ ሰው ዅሉ እንደየሥራው ለክብርና ለውርደት፣ ለጽድቅና ለኵነኔ በአንድነት የሚነሣው የዘለዓለም ትንሣኤ ነው፡፡